Dalaan Ruang ah Sayamah Muidawh te A Tuarning Cu A Poi Hringhran Ko

Irrawaddy Mae Zaligone khua i um mi cawng sayamah Sue Yati Htun cu ai dawh i a fel uar um taktak. Ralkap uknak duh lonak in CDM ah a lut i ralkap pawl nih cun tleih an timh. Cu ruangah khua dangah cun a zaam i ai thup. May 26’2021 zaanlai ah a thli tein a tlung i a hnipuan cheukhat le a thil tlawmpal cu ai ken.

Cu tin inn chung i a um lio ah cun ralkap pawl nih cun an va tleih. Vengmi pawl nih cun dalan pawl pakhat khat nih an chimh hna le si ko lai tiah an chim. A tlung ti tak hi ralkap pawl nih cun an thei manhnak ding um lo dalan pawl nih a tlung ti hi an theih caah an chimh hna le si ko lai tiah an ruah.

Cawng sayamah Daw Sue Yati Htun cu tutiang ah an chuah rih lo i a chung le zongnih tu tiang kaa khat hmanh an chawn kho lo tiah theih a si. A dam le dam lo zong siseh khawika hmunah dah a um ti le zeitin dah an tuah timi zong an thei kho lo i a chung le pawl nih cun an fa nu cu an vua sual lai maw fak tukin an hrem sual lai maw si lo ah ruah lo piin a thi timi hna kan thei sual lai maw ttin lungrethei le thinphang in an um lio pi a si tiah theih a si.

Kan hnu deuh i an tleihmi cawng sayamah pakhat zong court ah kum 3 chung thongtla dingin a kong lam ceih piak a si i cu sayamah nu nih a chim mi cu ralkap ku tang i rian tuannak cun kum zeizat chung paoh siseh thonginn chung i um cu kai duh deuh tiah a chim. Hro cer buin rian tuan pengmi cu ralkap pawl lawng hi an si. An kut tangah cun ka thih tiang rian ka tuan hrimhrim lai lo tiah court bak ah cun a chim tiah theih a si ve.

Be the first to comment

Leave a Reply

Your email address will not be published.


*