COVID In A Nu nih A Thihtak Hnu Ah Mintami ‘may Panche’ Cu Minutes Pakhat Ah Ks.150,0000 In Ai Zuar Cang Tiah A Hawinu Mintami ‘Baby Maung’ nih A Phuan

Kawlram lemcangthiam lak ah minthang pakhat  asimi ‘May Pache’ cu a hawikom thing a simi mintami pakhat nih a cung ah hnachuahnak thinlung put ngai in online chung ah faktuk in a mualpho ter caah Social media chung ah ‘May pache’ cu a min chikhat te  ahung chia dengmang bantuk in a lang nain , thil sining taktak a langh hnu ah cun mipi nih an uartuk mi a si bantuk in a fan pawl zong nih hnemhnak bia tete an kuat than i amah zong a lung a hung dam than cang.

May Pache hi a taksa ai dawh ngaimi a si i a mah le a nu le a naunu pakhat he Yangon ah Celebrity rian ruang ah a rak i thialmi an si , harsa ngai in a nu nih a rak zohkhenh hna i ‘May pache’ nih ka hlawhtling ve cang i ka nu ka zohkhenh ve cang lai a ti leisang ah hringtu a nu nih COVID zawtnak in naite ah khan a thihtak i lungthin kekkuai in caan a hman cuahmah lio a si .

Covid zawtnak ruang le ralhrang ruang ah Cele rian zong tuankho tilo in ai din ve i LIVE in thilhna a zuar ve . LIVE in thil a zuarnak ah cun a tanglei comment ah fakngai in “LIVE thlahmi ciocio kan man ai dang.A nih tham cu minutes 1 chung ah phaisa Ks.150,0000 a hmu khotu pei a si ko cu” tiah soiselnak bia a um .

Hikong he pehtlai in a hrampi cu ‘May Pache’ a hawikom a rak simi mintami ‘Baby Maung’ a rak si i , Baby Maung nih hin May Pache cu minutes pakhat te cawngia aa zeih i phaisa ting 15 a hmuh colh. Minutes pakhat chung ah phaisa ting 15 a hmuhnak a hmuhnak a ruang tham cu a fianfmi a si ko i director pa nih nupi ah ai tuah caah a si ko ” tiah a rak thangchiat mi a rak si .

Hiong ah hin ‘May Pache’ a ngeihchia tuk ve i a chim mi cu ” Cawngia hi minutes pakhat te kan i zeih ko zong ah chikhat va dir dak i , i zeih colh a si lo . Zing sml 6 in zaan sml 6 tiang har ngai in kan practice hnu ah kan i zeih taktakmi cu minutes pakhat video te a si taktak ko. Hibantuk thinlung a ngeihmi hi cu tihnung taktak pei a rak si hi ” tiah Baby Maung a si ti a theih bak in online ah a tar colh ve .

Culawng siloin online ah amah May pache konglam an postmi zong zangfahnak tein ka delete piak hram uh tiah a nawl hna i a post tu pa zong nih a delete ve cang. A delete hnu zong ah May Pache a fan pawl nih fak taktak in an thuat ve i Baby Maung siseh , online i a post tu pa siseh lakawk tlak lo bak in an phomh ve hna . May Pache hi a taksa aa dawh caah mipi uar a hlawh i hnachuah zong a hlawh lengmang mi a si . Ralhrang lei zong nih CDM na tuah peng ko ah cun kan in tlaihhrem lai tiah an rak hro cer cangmi a si .

Be the first to comment

Leave a Reply

Your email address will not be published.


*