Covid In A dam Mi Pitar Nih Doctor pa A Kuh i A mitthli he A Chim mi Bia nih Mipi Thinlung A tonghtuk Hringhran

Tulio covid 19 zawtnak inn sii zungum i dam ten chuah khawh hi i lomh lo awk a tha hrim lo. Lomh um tuk ko nain hi pitar te nih ai lomhning a langh ter ning hi cu ngeihchia lei zong si i thinlung a suk taktak. India ramah covid 19 ruangah mitam takin nikhatah a thingthing in a nunnak a liam i Oxygen i deih lo ruang zongah mi tam tak i thlop kho loin an um .

Cu hlei ah hi zawtnak tha loin a nunnak a liam ciami vuinak hmanh ai ting lo i ruak cu a ponin an pon hna. Cu bantuk in caan chia tuk hman lioah hin Kalgota ah covid 19 in a zawmi pitar tuk cangmi (kum 75) si cangmi tar nu te zong cu a zaw ve. Sihmanhseh law mino tamtak zong nih tuar kho loin an thih lio caanah hi pitar nu te hi covid 19 cu a tei i a dam.

A van dam tikah cun ai lawm tuk i ai sum khawh ti lo caah a zoh khenhtu doctor pa cu PPE thilthuam ai hruk buin a rak kuh i ai lomhnak cu tah buin a langhter. Hi hmanthlak hi journalist pakhat pooja mehta nih Twitter ah a van chiah i a chim ningah cun kolkata i medical college $ Hospital ah thil a cangmi si tiah a chim.

Hi doctor pa a kuh lenmi hi Abhishikta Mullick a si i hi pitar te sinah covid nih a tei lonak le covid-19 in a thiang cang timi bia a van chimh bak cun hi pitar te hi a holh zong holh kho lo i a mitthli cu a luang thluahmah i doctor pa sinah cun ai lomhnak kong cu a chim i a langh ter le. Hi hmanthlak te le hi ca hi internet ah van tar a si bakin a Share tu zong an tam ngaingai. Hi pitar nu te hi lomhpi a um taktak. Bawipa nih tuhnu pinleiah veng hram ko seh. Credit :Mizo World News

Be the first to comment

Leave a Reply

Your email address will not be published.


*