Covid-19 Zawtnak Ruang ah “Manny Pacquiao” Le “Conor McGregor” An i Thua Lai , Rak Tlolh Sual Hlah

Vawleicung Boxer minthang a simi pahnih Manny Pacquiao le Mcgregor cu i thua dingin an pahnih lungtling tein biakhiahnak an ngei cang tiah kan theih .An pahnih ning in mi he an i thuat lo nak a sau veve cangmi an si tik ah a zoh an nuam bak lai tiah vawleicung mipi nih an i ngeih ngaimi puai pakaht bantuk ah an puai hi a hung cang .

Conor McGregor hi kum (32) a si i a nih hi Ireland mithuat thiam an timi a si i Ultimate Fighting Champion (UFC) Superstar a si .UFC lei mithuat thiam a si nain Boxer minthang pawl zong a tih nemmam hna lo i a ngiar lengmang theu tawn hna .Mah le tidil a si velo caah teinak ngaingai cu a hmu lo nain phaisa tu cu tam taktak a hui ve thiamthiam tawn tu a si .

Tutan zong hi a mah tidil a silo mi ah tihnak pelte hmanh a ngei nemmam lo i an i thuat dingmi hi ai ngeih taktak ti a si .Manny Pacquiao (41) cu Filipino Boxing legent an timi a si ve i an ram ah hruaitu pakaht zong a si i Pathian a tihmi khrihfa tha taktak a si .

A tu an i thuat dingmi hi an pahnih lungtlin nak tein biakhiahnak an tuah cang i an i thuat can belte cu December thlachung ah maw a si lai , January thlachung ah dah a si lai timi fiang tein an khiak kho rih lo .Hi an i thuatnak i phaisa  ahmuh mi poah hi Manny Pacquiao nih an mah ram Philipino Covid-19 zawtnak in a zaw mi pawl bomhnak ca le covid-19 dohnak caah pek dih dingin timhlamh nak a ngei tiah theih a si fawn .

Source : Dailymail

 

 

Be the first to comment

Leave a Reply

Your email address will not be published.


*