Chin Ramkulh Chung Ah A Tutiang Sianginn Kai Kho Lo In Sianginn 200 Cu Khar Rih A Si

Chin State, Paletwa Myone ah cun Kawl ralkap le AA an i kah peng ruang ah Sianginn Cachim Saya/Mah te an rian tuan nak hmun ah an kal ngam lo i sianginn 200 reng lo cu a tu tiang ca cawng kho lo in an um rih ko tiah Chin State Cozah riantuan U Soe Htet sin in kan theih .

Primary sianginn lawng si lo in Middle Siangin zong tampi khar a si rih . a ruang cu Saya/Mah te ( hmun dang um mi ) pawl nih an  rian tuan nak hmun ah an rat ngam ti lo tik ah sianginn on zong ah ca chim tu um lo ah cun sullam a ngeih lo caah tu tiang sinaginn  zong ong kho lo in kan um nak a si tiah a chim fawn .

Cozah rian tuan cu kum 1 tuan hnu ah cun mah duh nak hmun poah ah i thialkam nak apply tuah khahw a si bantuk in Palaetwa Myone i sianginn  cachim tu saya/mah te zong kum 1 an tuan hnu cun an celh cio lo i hmundang ah thial nak an tuah cio caah siangin cachim saya/mah 200 reng lo nih an thial tak  cang hna ti zong theih a si .

A ruang bik cu AA le Kawl ralkap an i kah lengmang ruang le transportation a chiat tuk caah an huam cio lo i an i thial
lengmang nak a si tiah theih a si . Nikum zong ah Paletwa Myone sianginn 50 cu saya/mah te an ngeih lo ruang ah sianginn kai kho lo in an rak um bal cang .

Myanmar ram chung ah Chin State hi taang hra awng an tlawm bik nak a si i , Chin State chung zong ah Paletwa Myone hi
taanghra awng an tlawmbik nak a si ve . Nikum tanghra awng cazin zoh tik ah Paletwa Myone chung ah hin 4% lawng tanghra awng an um tiah theih a si fawn .

Ref : MizzimaBRM

Be the first to comment

Leave a Reply

Your email address will not be published.


*