Kawlram chung um mi Chin Celebrity chungin mi cheukhat hna nih Paletwa mi harsa hna caah bomhnak an kawlpiak cuahmah hna tiah kan theih .
Chin Model pakhat a si mi “Margaret” nih cun Paletwa mi harsa kong he peh tlai in hi ti hin a mah pumpak facebook ah thawng thanh nak a tuah ve . a tu bantuk in kan miphun chung ah harsat nak a tong mi hna kong ka ruah ah ka thinlung nih a tuar kho hrim lo keimah nih hin a sikhawh chung in tampi bomh ka duh ko hna nain keimah pakhat lawng bomhnak in cun i bawmchan cio hna u sih law kan sikhawh tawk cio chuah hna usih law an mah mi harsa pawl ca zong ah that hnem nak tampi a chuahpi lai . a tu ah hin nang le kei nuam ngai in kan um lio ah kan unau a si mi Paletwa mi hna cu lungre thei le harsa ngai in an um lio a si .
Tampi na bomhkhawh hna lo hmanh ah na sikhawh tawk te kha rak chuah ve law nangmah ca zong ah thluachuah nak a si lai i an mah ca zong ah tampi a bomh hna lai i a tha hnem tuk lai .ka bomh ve ko hna lai a ti mi nih cun keimah sin ah ka pehtlai ulaw Ph-09250285634 ah hin chawnh khawh ka si tiah dawtnak nganpi he mipi sin ah Paletwa mi harsa hna caah bomh hal nak a tuah .
Model Margaret lawng si lo in Chin Singer minthang a si mi “Sung Tin Par” zong nih hi ti hin Paletwa mi harsa caah bomhnak a tuah ve i sawmnak zong a tuah chih fawn . “Chin ramchung Paletwa miphun hna chung ah har nak nganpi a chuak mi hi zohsawh awk an si ti lo . a tu ah hin Paletwa peng khuate 9 hna cu an khua ning in an him nak ding caah ti in khuadang le Matupi khua ah a va zaam mi hi an zapi te cun minung 1500 nak tam an si cang i hi chung ah hin hliam hma a tuar mi zong tampi an um rih .
Hi minung 1500 nih hin an eidin ding siseh an hnipuan siseh an i thlopbul nak ding sii ai lei ah siseh tampi bomh an herh . kan mah Dingdi Dream Charitable Organization lei in an mah bomh awk ah aherh ning in kan cawl cangh cuahmah lio a si . hi bomhnak ah kaa tel ve lai a ti mi nih Ph- 095188937 , 09965188937 ah rak pehtleih khawh kan si ” tiah mipi sin ah thawng thanh nak a tuah ve . hi Paletwa mi harsa kan ti mi hna hi March 14 le 15 lio ah Kawl ralkap nih cunglei in an hriam nam an hman nak ruang ah paletwa minung 21 an thi i minung 1500 tluk hrawng Sami myo le Matupi Pyo ah aa dor mi hna an si .
Hi mihar sa hna caah hin na sikhawh tawk te zong rak bawm ve dingin kan in sawm . a bawm kho ding mi hna nih Model Margaret le Sung Tin Par sin ah pehtleih khawh an si .
Credit : The Chin Journal
Leave a Reply