Chelsea Football Club nih Benjamin Sum Ca An Kuat nak A ruang A Hung i Fiang Cang

Vawlei cung bawlung club lakah minthang bak a simi pakhat premier league club Chelsea nih cun hlasskthiam Benjamin Sum cu ca an kuat i ca an kuatmi cu a chuahni lomhpi nak ca a si ti theih a si.Hlasakthiam Benjamin Sum cu November 27 ah kum 21 a tling ve cang i, vawlei cung miphun kip hna sin zongin lomhpi nak ca a dong kho ti si.

Cu ah cun Champion league Champion liomi Chelsea zong nih hlasakthiam Benjamin Sum cu a chuahni lomhpi nak ca an kuat i an Captain bak nih a min a khenh ti si.Chelsea Football club nih cun Dawt tukmi Benjamin Sum, Chelsea football club i player zate le riantuan tu zate hna aiawh in na chuahni kan in lomhpi tuk,chuahni lomhnak na cungah um ko seh tiah lomhnak ca kan in kuat.

Lunglawm taktakin na hmang lai tiah zumhnak zong kan ngei.Thazaang na kan peknak hi biapi ah kan chiah i kan i lawm.Cucu vawlei cungah minthang chinchin ding zongin zuamnak thinlung ngei ko tiah ca zong an kuatmi a si. Tubantuk in vawleicung minthang Football club pakhat nih kanmah kan lai tlangval note lomhpinak an rak tuah cu kan lomhpi tuk ve hringhran ko.

 

Be the first to comment

Leave a Reply

Your email address will not be published.


*