Cancer A Chuahter tu , Voksa A Eimi nih Hrial hrimhrim Dingmi Phun (5)

Mi tampi nih cun zeisa dah na duhbik tiah kan i hal tik ah Voksa ka duhbik tiah a chim mi hi kan tampi lai tiah zumhnak ka ngei. A hlei in Chin mi hi voksa a duhkhun mi le a ei tam khunmi kan si lai ti usihlaw kan palh lem lai lo . Zeica tiah puai sunglawi le chunthah ni tbk ah cun voksa ai tel lo ah cun a tlamtling lo titluk in kan i ruat . Asinain voksa hi sa vialte lak ah a rak thianghlim lo bik mi a si i ,ngandamnak lei biapi ah a chiami nih cun an hrial ngaingaimi sa a rak si ve fawn .

Culawng siloin ngandamnak lei a tuanmi doctor le nurse pawl zong nih mipi sin ah voksa eilo dingin forhfialnak an tuah lengmang theumi zong a si fawn. Cucaah voksa eilo in na um khawhlo i na hrial khawhlo i nai sum khawh bak lo a si hmanh ah voksa na ei tik ah na taksa caah a thalo khun mi tal hi cu na theih i na hrialthiam a rak biapi ngai ngai ve.Cucaah voksa ei a duh i ngandamnak caah ai ralring mi caah voksa chung i kan hrial a herh khun mi kan rak langhter lai .

1.A thin : Mithiam pawl nih an chim ning ah cun voksa ah hin a thianghlim lomi le a thurhnawm mi ai funtom nak bik hmun cu a thin ah hin a si tiah an langhter. Cucaah voksa eiloin na um khawhlo hmanh ah vok thin hi cu na hrial ah a tha ngai lai. 2.A cuap : Vok nih hin a hmur in vawlei a nor peng tik ah vawlei dip le khu vialte kha a hnar in a dawp i cu vialte a dawp mi cu a cuap ah direct in a phak caah a cuap hi a thianghlim lo taktak tiah an langhter fawn.

Cucaah voksa na ei tik ah a sa dang cu ei ko law a cuap kher hi cu hrial khawh i zuam law saupi na dam deuh lai i na voksa duhmi zong saupi na ei kho deuh lai .3.A rilpi/rilte : Vok ril hi zeitluk in ti in thiang tein kan tawl kan ti ko zong ah a thiang dih kho taktak lo mi a si ti a si .Cucaah vok pawpi le ril pawl hi thianghlim khui in kan tawl lo i kan ei ah cun zawtnak phunphun a chuahpi khotu an rak si tiah an langhter ve fawn. Voksa eitu tampi zong nih an hrial ciomi a si cang tiah langhter a si fawn.

4.Athluak : Vok thluak ah hin vitamin tampi a um i 100 grams ah thau (Cholesterol)2500 mg ai tel cang ti a si .Curuang ah minung pakhat nih tifa tin kan herhmi zat hi 8 hrawng lawng a si tik ah vok thluak kan ei ah cun kan taksa caah tih a rak nung manh tuk cang ti a si caah vok thluak hi cu kan hrial thiam a biapi ngai ngai fawn. Cucaah voksa ei nai sum khawh baklo a si ko zong ah hrialawk a simi tu hi cu rak hrial ve ko .5.A thisen : Voksa a eimi caah cun vok thi thun tlukin a thawmi a um ti lailo tiah a uarmi an tam taktak.

Asinain vok thi ah cun tur thalo a rak tam taktak ti a si ve.Cucaah eiloin na um khawh lo tuk a si hmanh ah hmin taktak in na chuan hnu lawng ah na ei lai ti a si.A hmin huaha lomi na ei lebang ah cun na caah tihnung tuk ti a si.Sikan ngeih hi ngandamnak a si i damsau nak zong a si caah sum a herh mi cu i sum bak ding a si ko.

Hi vialte kan langhter mi hi voksa a thalo a thianhlim lo ti a thei ko nain , ai sum kholo mi nih cun theih i hrial thiam a herh bak mi an si hna caah , nangzong voksa na hrial khawhlo hmanh ah hi kan langhter mivial tal hi cu hrial khawh hram rak i zuam ve ko.Ngandamnak tluk in a biapi mi thil dang zeihmanh a um ti lo i , na ngandamnak cu na rumnak a si tiah mithiam pawl nih phungthluak ah na ngeih kha philh hrimhrim hlah .Na ngan dam hram ko seh.

Be the first to comment

Leave a Reply

Your email address will not be published.


*