Breaking News : Yangon ah A Mah Um nak Room Chung ah Chin nungak Pakhat Thah A Tong

Myanmar ram Yangon ramthen Bahan ah Chin nu pakhat cu a um nak inn ah thah a tong i a ruak cu a chungkha hna tlak nak in an khualei ah tlunpi a si lai tiah kan theih .Mai Aye Aye Thein cu April 23, chun nazi 2Pm ah a um nak inn ah thah a si i , a mah he a um ti mi a hawinu a riantuan nak in a rak lawi ah an inn hlan mi inn ah cun Aye Aye Thein cu thicia in a ruak in a hmuh . Mai Aye Aye Thein cu a lu le a taksa dang dang ah midang kut fak ngai in a tuar nak hmuh a si i a hawinu nih cun a ran nak in police sin ah a chimh colh hna .

tu ah hin police pawl nih cun Mai Aye Aye Thein a that tu cu mi zeidah a si tiah an hlat i an kawl cuahmah lio a si .Mai Aye Aye Thein ruak cu a chungkhar hnatlak ning tein an um nak khua Rakhine ramkulh Ann peng Shu Chin Khua ah tlunpi a si lai . a ruak phurh nak hrang ah RRCCI bu nih 500000 an thawh khawm tiah theih a si . mi thenkhat ruah nak ah cun Mai Aye Aye Thein a that tu hi a mah he aa thei hngal i a um nak zong a thei mi minung an si lai i  amah he i hmuhthiam lo nak pakhat khat ruang ah tu bantuk in an thah nak a si lai tiah a ruatmi an um .

Mi thenkhat nih cun lockdown lio ah mi tha lo nih can tha lak in Mai Aye Aye Thein a phaisa le a thil ngeihmi lakpiak duh ah misual nih a mah lawng a um antheih i a ahwinu a riantuan kar ah an rak luhhnawh i an thah hi a si ko lai tiah an ruahnak an chim cio . a tu tiang ah cun a hohmanh nih Mai Aye Aye Thein a that tu hi an thei kho rih lo i lunghrinh mi zong an um fawn lo tik ah a case hi a buaithlak ngai ding a si . a si nain hi mi that tu hi kan tleih khawh hlan lo a case hi kan buaipi lai i kan tleih khawh hrim hrim ko lai tiah police officie pakhat nih cun a chim .(CW)

Be the first to comment

Leave a Reply

Your email address will not be published.


*