Breaking News : Tuchun Ah Ralhrang nih Kanmah Lainu Cawng Sayamah Meithal bak In Faktuk In An Thah

Ralhrang ralkap nih cun February 1 ah Kalaymyo i cawng sayamah pakhat lampi i cycle amongh lio ah a kah.Sayamah nu cu a hliamhma a fah tuk caah tuar kho ti loin a nunnak a liam.Sayamah nu cu YiYi Khine( Tem Boih) ti a si i, February 1, zinglei nazi 8:30 hrawngah siizung i a nu dam lomi rawl chan dingin a chuak i,a kir leiah cycle a mongh cuahmah liopi ah an rak kah.

Ralhrang nih cun a takpum chungah an kah i,Sayamah Tem Boih cu siizungah an kalpi colh ko nain,chun nazi 12 hrawngah cun a hma tuar kho ti loin a thi.Kum 40 tluk a simi sayamah Tem Boih cu fa pahnih ngeimi a si i,a pa cu Pu Khai Khaw Cin a si,a nu cu Pi Khuang Ni a si.Ralhrang nih an kah hnuah pawngkam mipi hna nih cun an fuh colh i,a rak holh kho ti lo.

A chung le pawl a phone ter colh hna i siizung an kalpi hnuah a thi.A chungkhat mi pakhat nih cun”Zinglei nazi 8:30 hrawngah siizung i um a nu cu rawl a va Chan.A kirlei ah duh tawkin meithal a hmetpuakmi ralhrang pawl nih an rak kah.LCEC pawngah a kahnak hi a si.Rianrang ngaiin siizung kalpi colh a si nain,a kan thi tak colh.

Ralhrang pawl cu RTC ah umhmun an khuar tiah a rak chim.Mipi hna cu daitein ralkap uknak duh lonak langhternak ah tel lo dingin le lengchuak dingin an kan hro len nain,Ralkap uknak duhlonak a langhter lomi lengchuak mi zong an kah thiamthiam hna.Ralhrang ralkap pawl cu mu le mal zong an ngei kho ti lo” tiah a rak chim.

Be the first to comment

Leave a Reply

Your email address will not be published.


*