Kawlram ralkap nih nawl ngeihnak an lak hnuah rampi ruahnak cheu tu Daw Aung San Suh Kyi cu ralkap nih case 5 bak an orh ter i court ah taza an cuai. Thong i an umnak in tutiang ah rel piak an si lo pinah Dawsuh le a sihni pawl cu chawnh khawh zong an si lo. Asinain tuni March ni 31 ah cun Daw Suh le a Sihni pawl cu ralkap lei nih cun chawnh khawh an si cang tiah an ti i online in minutes 15 reng lo an chawnh khawh hna.
Cu ah Daw Suh nih a chimmi cu tu bantukin hmaitonh in chawnhnak nawl um hmanhseh law online in kan i chawnh khawh hna caah a tha ngai. Veng tu kan ngei cio ko hna i hi bantuk in caan tlawmte online chung i chawnh hi cu hau tuk lo daan he zong si keih tukmi a si lo. Sinan a hnu ah cun hmaitonh te in i chawnhkhawh nak lam kan kawl lai tiah a chim.
Cun thong i an ka chiahnak buai pi dingah pum ai pemi sihni vialte kan konglam buaipi dingah kan pom hna i cun midang nan herh rih a si ah cun ka chim than te uh. Nan ka dawt nan ka buaipi nak ruangah nan za te cungah ka lung ai lawm tuk. Cun mipi nan za te cung zongah kai lawm. Tutan thil ruangah ram ca i nunnak pemi vialte cung zongah tampi kai law. Ka ngeih zongchia.
Mipi nan za ten dam zungzal ko uh tiah thla kan cam piak peng hna tiah Daw Aung San Suh Kyi nih cun mipi cungah a lunglomhnak bia a van chim. Daw Suh chawn tu sihni nih cun Daw Suh cu a hmuihmai ai dang lem lo a dam tha ngai ngai ko i case an tuahmi tu cu zeitik ah dah an ceih te lai ti cu theih khawh a si rih lo tiah a chim.
Thaizing April ni 1 khi Kawlram president U Win Myint nih Daw Suh cu i ton dingin a ching ni a si. Ralkap lei nih internet puhin an thulh ter hoi hnga maw ti cu thinphang ngai a si.
Leave a Reply