Breaking News : Aungla Nsang Le ‘Tial Cung Thang @Dragon Leg’ An i Thua Ve Cang Lai

Nikum ah khan Aungla Nsang nih Brazil mithuat thiam a simi ‘Leandro’ cu a round khatnak bak ah a tei colh khawh. Cu dih bak cun Japan mi thuat thiam a simi ‘Okami’ nih Aungla Nsang cu a van singkhaw colh ve. Okami hi a donghnak ai thuat hi 2019 lio ah khan a si i Malaysia mithuat thiam ‘Agilan Thani’ he an rak i thua i teinak a rak hmu .

A donghnak bik ai thuat hi a caan a hung sau pah ngai ve cang, a sinain a nih hin MMA vawlei ah hin puai 51 ai thua cang i hi chung ah hin puai 37 teinak a hmu i ,puai 14 a sung ve.Amah hi kum 41 a si cang i Aungla nak cun tampi in a upa deuhmi a si.Aungla Nsang hi kum 37 a si ve cang i MMA vawlei ah hin puai 41 ai thua ve cang i puai puai 27 teinak a hmu i, puai 13 a sung i puai khat cu an i leet than.

Aungla Nsang hi a donghnakbik ai thuat cu Russia pa he an i thua i a tei lo.Tutan an i thuat nak ding hmun hi Singapore ah asi than lai i kawlram mi tampi an umnak hmun a si tikah biatak tein thazang pek a herh i amah zong teinak a hmu hrimhrim lai timi zumh a um ngai ko.Champion thing  asi tikah a min thatnak le a lar nak vialte a thar in hmuh than ai timh cuahmah lio a si i timhlamhnak zong tha tein a ngei cang i tutan cu teinak a hmu hrim lai tiah zumh a si.

Tutan an i thuat dingmi thawng hi tuan tein timhlamhnak a um mi a siko nain , Media lei ah thawngthanhnak an tuah colh lemlo i a tu a ralaimi November 19,2022 ah hin an i thua lai. Caan a rau ti lailo a caan phan colh ko lai hih. Kan miphun a cawisangtu pakhat asi ve tikah a tu bantuk dirhmun ah hin biatak tein thazang pek a herhlio te a si ve.

Culawng siloin kan laipa pathawng kan i ngeihmi ‘Tial Cung Thang’ zong atu a rauh hlan ah ai thua ve than ding a si thiam thiam. Anih lebang hi cu kanmah laimi bak a si tikah fakpin dirkamh le thazang pek a herh bakmi a si ve.A ralaimi Dec.3.2022 ah’Pacatiw’ he ai thua ding an si ve fawn. Cucaah Aungla Nsang le Tial Thang an van i thuat ve cang ah hin cun Chin mi cu daite in kan um kho cio lailo dah. Teinak tu hmu hram ko hna seh.

Be the first to comment

Leave a Reply

Your email address will not be published.


*