Benjamin Sum Hlathar i Lemcang Model Nu A Sining Diktak An Langhter Cang Rak Rel Ve

Tutan Benjamin Sum hla cu a hlaphuah an thiam i a satu thiam ruang lawng silo in video director a thiam thiam ruang ah a poh ngai ngai i facebook page pakhat i an chiah mi a view tu lawng hi nikhat chung ah 1 million an tling mang .Lemcangtu Shan nungak “Naw Phaw Eh Htar” cu Myanmar Celebrity pawl nih hmaitonh in biahal nak an tuah i hi ti hin a chim .

“Biakinn ah kan i thei i hla pakhat i chuah ding a ngeihnak kong a ka chimh i a hla cu a ka ngeih ter i ka ngeih tik ah a hlangeih a nuam i lemcan ding zong mithlam ah an hug cuang duh ngai. A tawlrel nak a sau cang nain keimah keimanh khawh deuh rih lo caah le kaimanh tik ah cun Lockdown a si colh fawn i a hla hmasa tu kha a rak tlangzarh hmasa ,a sining taktak ah cun a tu a hla pahnih nak hi a pakhat nak ah tlangzarh dingin a rak i timh mi cu a si ” tiah a chim .

“Ni 2 chung video kan i la i ruah a sur ruang ah kan i din i kan peh than ti bantuk a si caah ruahnak lengin kan rau. A si nain kan za tein kan i zuam i kan hlawhtling ko Ben Ben zong a thil tuahmi ah tha tein tuah duhmi a si i a fans pawl zong an diriam tuk lai ” tiah a chim chih fawn .Benben hla ah lemcang a si ruang ah BenBen fans pawl zong nih laksawng an pek i a mah fb followers zong an hung karh tuk a ti i lomhnak bia zong a chim chih fawn .

Naw Phaw Eh Htar cu 19,January 1996 kum ah Shan ram ,Taungggyi khuapi ah a chuak mi a si i kum 24 lawng a si rih .Upa pakhat le naunu pakhat a ngeih hna i Mandalay University ah B.A (French Language) in a dih hnu ah , 2019 kum ah Singapore SHRM College ah Business management Diploma a ngah than .

University a rak kai lio ah “Beauty Queen” ah an rak thim mi a si i a rak lar cang , cu hnu ah lemcang lei ah a lut lawlaw i lem a can nak video tete zong a tam ngai ve cang . Company tampi nih an thil cawngia piaktu ah an hlan lengmang mi a si i “Sai Sai KhaI Hlaing” zong nih ‘SAI’ Cosmetix i Model ding ah a thim mi a si fawn .

MRTV-4 i an tuahmi “The Missing Truth ” lemcang zong ah aa tel ve i a mui aa dawh a taksa ruangraia that ruang ah mipi nih an aur ngai mi a si fawn .Mythical Myanmar Bagan timi film zong ah lem a cang i Thailand pawl nih an tuahmi “Ma Phae Wah “timi muithla film zong ah lem a cang i a cangtunu bik ah an hman mi a si fawn .Ma Phae Wah (မဖဲဝါ) timi cu kawlram tuanbia ah thlahrang minthang a si i thlanmual i mithi thlarau pawl a kilkawitu a si .

Hi Film i director pa cu Thailand muithla film i director a tuan lengmang mi Pakphum Wonjinda a si .Ma Phae Wah (မဖဲဝါ) Thlahrang tuanbia tawi : Ma Phae Wah cu thlamualah a um peng mi a si i zanttim hnu ah thlankuang i phurh in a sam ai thlah i khuachung ah a lut tawn .Inn pakhat khat hmai ah a dir i a phurh mi thlankuang cu a thumh tawn .Cu ti ai dinh nak inn i a um mi hngakchia poh cu an dam lo lengmang ti a si .1990 kum ah Phungyi upa Tine Tayar Sayadaw i a manh ah ai langh i naute sa ei a duhnak kong a chim. Phunghyi pa nih cun naute sa ai ah uico sa tu a rak pek . Cu hnu ah Ma Phae Wah i konglam cu a hung lar i innhmai ah naute sa cu a kha i uico sa cu a thlum tiah ralrin nak ah ca an tar piak tawn ti a si .

Source : Wiki

Be the first to comment

Leave a Reply

Your email address will not be published.


*