Australia Ram ah Zu Le Minung Biatak Tein An i Do Lai , Zu nih Biatak tein Minung Zong An Seh Cang Hna

Vawlei cung ram dih lak nih hin buainak an rak ngei cio hna. Australia ram a kang dih hnuah Covid -19 thlichia fak ngai in a hrang hoi i a van i zia deuh tiah Zu nih a van tlunh colh hoi hna. Australia’s New South Wales ramchung i lo rian tuan pawl umnak ah cun a tam bik. An lo chung i an cin thlakmi thlaici pawl cu an rak ei piak dih hna.

Zu pawl cu heh tiah an thah len ko hna nain an zual deuhdeuh tiah theih a si. Inn chung tiangah an lut i minung tiangin an seh hna tiah theih a si. Siizung chung zongah an lut i a dam lomi mizaw pawl zong an seh len hna tiah theih a si. Inn chung ti chiahnak le khengbel pawl chung zongah an lut len tiah an ti.

An mei hri tiangin an chah piak hna i mei ngei lo tiangin an um len hna. New South Wales cozah tiang nih an buai tuk cang ruangah Zu sii cu india ram zongah cah ding tiangin ai tim. An cahmi Zu sii pawl cu an thazaang a cak tuk i nazi 24 chungah Zu pawl cu an thi colh thluahmah tiah theih a si. Litres 5000 tluk bak an cah ko nain cozah pi nih cohlannak an hngak lio.

A hngahnak ruang cu Zu sii ruangah ram sa dang le inn vulh satil pawl dang zong an thih khawh hna ruangah Australia cozah pi nih an sian a si le zu sii cu an kah lai tiah theih a si. Vawlei cung mifim pawl nih Covid -19 ruangah le ram buai ruangah ram sa pawl zong nih ei le din ding an rak harsat ve ruangah an sual deuh deuh ve tinak si ko hi tiah a chim mi zong an um.

Be the first to comment

Leave a Reply

Your email address will not be published.


*