Australia Cozah nih Kawlram mi A Zaammi Pawl Caah A Rannak In “Australia Phaknak Visa” A Pek Thluahmah Cang

Zawtnak boruak kongah siseh,Fimthiamnak kong he pehtlai zongin siseh,bawmhnak a rak pe cangtu Australia cozah nih cun kawlram a buai hnuin thla 14 chungah Myanmar rammi venhimnak ding caah Visa a pek cuahmah cang hna ti theih a si. Asi nain bia pakhat a um ve thanmi cu tulioah ralkapzaam CDM tuahmi pawl Visa pek an thok cang tiah an rak tarlangh ko nain The Sydney Morning Herald nih cun” Kan hnu kum February 1, le tukum January 31 kar lakah Myanmar rammi venhimnak caah minung 513 hna sinah Onshore Visa pek an si” tiah a rak tar ve.

Onshore Humanitarian Visa a si lo.le Onshore protection visa timi cu mi ram um khawhnak Visa cu a thi si konain ram,phun, Biaknak si lo le ramkhelnak tibantuk buainak ruangah mah ram i a tlungngam ti lomi hna pawl an pekmi hna venhimnak caah a si.Mi zeipawl dah Visa an pek cangmi hna an si timi cu an rak tarlangh rih lo.Australia cozah nih tukum January thlathok in dornak apekmi Myanmar ralkap CDM ah alutmi minung pahnih hna he hmaitonhin biaruah tinak an ngeihnak kong le an zaam nak Myanmar- Thailand ramri i an him lo Ning tibantuk pawl an chim hna cu SMH nih a rak tar ve.

Australia Department of Home Affairs zong nih” a cangmi thil kongah siseh,pumpakin maw,mibu zongin siseh,cuti deuhin kha ti deuhin tiah zeihmanh hmalakning kong kan chuah lai lo” tiah an rak chim ve.Cupinah visa cu ralkap CDM ah a lutmi paohin an pe velo i,an mah Australia cozah nih pom khawhmi cin an ngei ve i,a haltu background le dirhmun ah biapi bik cu bia a chim tiah theih a si.

Australia cozah nih Myanmar ralkap CDM lutmi Visa a peknak kong cu Australia caah NUG palai Dr.Tun Aung Shwe zongnih min a thut i,Thailand in Australia ramah akalmi ralkap zaam mi minung pahnih ka theihmi an um tiah achim.NUG cozah nih Myanmar ralkap zaam CDM tuahtu paoh cu cohlang dingin Australia, Newzaland le US cozah hna cu an kan chawnhter.

International Community le vawleicung huap cozah pawl nih CDM a tuahtu ralkap pawl hna hi nan kan cohlan piak hna asi ah cun ralhrang cozah a kekkuai fawi deuh lai”tiah a ti.Atu CDM ah alutmi ralkappawl Visa ngah cangmi hna pawl cu NUG he rian tuan tiin,ralkap dang zong CDM tuah dingin Inka ong zungzaltu People’s Embrace theihpinak he Australia cozah nih Visa a pek mi a si tiah theih a si.

Be the first to comment

Leave a Reply

Your email address will not be published.


*