Aungla teinak Ding Ah Ridder Sin Ah Ka Va Cawng Cang i Tiah aungla Atei Dan Ning Fiang tein A Chimtu Leandro Ataides

July 30 zan ah Aungla he aithua dingmi Brazil pa nih cun Aungla cu round 2 nak ah ka tei colh lai tiah a chim.Aungla he aithua dingmi Leandro Ataides nih cun” Aungla hi Champion lio a si tilo i Champion taisawm zong kenmi a ngei tilo i a tuarning a faktuk kho ko. Mithuatthiam taktak a si i amah he aithua mi zong an tampi cang i rihnak 2 ah taisawm zong a rak ngah veve khotu a si fawn.

A mithongh a pin i voikhat tha tein a khen mi hna caah cun tuarkhawh a har ngaingai mi a si.Tutan kan puai hi keimah caah cun a si ve ko i , kuttum in kan i thua lai i ka dirhmun a thatlo asi le tlaihkhih deuh in ka cawlang ve lai. Zeica tiah aungla cu tlaihkhih hi a thiamlo mi a si tik ah a sunghnak lam zong a si fawn. Keimah ruahnak ah cun round 2 nak ah ka tei ko lai .

Asinain a har cu a har ngai lai i amah nih teiding cu a har chinchin i keimah nih teiding lawnghi ka ruahmi a si ko” tiah a chim.Hi puai i teinak a hmutu nih hin Ridder an singkhaw than khawh veve i puai biapituk asi.Tutan ah Aungla he aithua dingmi pa nih hin Aungla teinak ding ah Aungla nih a teilo mi Ridder sin ah a va cawng cang i teibak ai tim ti a fiang.

Be the first to comment

Leave a Reply

Your email address will not be published.


*