Aungla Nsang Cu “Ridder” ruangah a Khabe Hmul Ai Met Kho Ti Lailo (Ngeihchia Ngai A si)

One Championship i Myanmar ram, mithonghthiam minthang,Kachin mi Aung La N Sang nih cun Middleweight Champion tai sawm ngahthan dingin a thinlung chungtein saduhthahnak a ngei.Kum 36 tluk a simi Aung La N Sang cu a ralai dingmi tuthla February 25 ah ONE: Full Circle ah a rak i thongcangmi Russia fighter Vitaly Bigdash he an i thong lai.

Aung La nih cun ” Middleweight Champion taisawm co than dingmi hi kai ngeih tuk cang.Curuangah Champion taisawm ka co khawh hlan lo,ka khabe hmul ka met ti lai lo.”Kan nu nih cun ka khabe hmul le hmur hmul hi meh a ka fial tuk veko  cang nain Champion taisawm ka co khawh hlan lo kai met ti lai lo” tiah a chim.

Aung La le Russia fighter Vitaly Bigdash hi voihnih tiang an rak i thong cang i voikhat veve teinak an rak hmu.Voikhat veve an rak sung tinak si .Tutan puaiah hin a tei tu nih cun.Middleweight taisawm cuh khawhnak caanrem an ngei lai.Aung La nih cun” a Liam cangmi kum 5 lioah Vitaly Bigdash he Kan rak i thong bel cang.

Cupinah cun kan i tong ti lo.A nih hi mithong a thiam ngaimi a si caah tutan kan puai zong hi a sunglawi taktak lai.A nih zong ai timhtuahnak a tha taktak i,kei zong sikhawh chungin kai tim ve.A hlan voihnih tiang kan i thongmi i ka cawlcanghmi nakin tutan ka cawlcanghmi hi a that deuh lai ka zumh” tiah a rak chim.

Be the first to comment

Leave a Reply

Your email address will not be published.


*