Aungla NSang A Sungh Ruangah A Miphun Asi Mi Kachin Pa A Nunnak A Liam , Aungla A Thinlung Kekkuai Taktak

Aungla NSang le Ridder an i thuat lai te i an pahnih an chim veve mi bia hi rak rel hmasa ta , an chim ning in thil hi a kal taktak maw timi na fian nak caah a si . 

One Championship Middleweight Champion taisawm i cuh dingin ai thua dingmi Aung La NSang le Reinier de Ridder cu SCMP nih online in hmaitonh in biahalnak a tuah hna i pakhat le pakhat hmai ah an konglam hal le chim veve an si .Aung La Nsang nih cun “Renier de Ridder konglam kan chim si ah cun a nih cu keimah he ai thua dingmi hi zeitin dah ka teikhawh lai timi a theifiang kho ngaitu a si.

Aung La N Sang: I'm Going To Grind Brandon Vera Down And Beat Him

A puai donghnak lei pahnih zong kha ropui ngai in teinak a co .Keimah caah cun sungpuai ngeilo bak mi he i thuat ding cu kai ngeih ngai ngai .Ai thuatnak pawl kan zoh a si zong ah mithuat a thiam ngai mi le mithuat dan a phunphun a thiam mi a si tik ah keimah he kan i thuat dingmi zong hi puai ropui ngai cu a si ko lai .

Myanmar hero Aung La N Sang hopes to repay countrymen's support with ONE title

Teinak ka co thluahmah tik ah mah le mah i zumhnak zong a um chin chin ve i teinak hmuhlo hmanh ah thinlung cu a thawng tuk thiam i curuang ah ka hrang ah cun teinak le teilo nak zong ah thazang a um veve thiam thiam ko .Kan pahnih kan i thuat tik ah zei ti dah kan i thuat te lai timi cu kan theih veve cang ko lai tiah ka ruah .

Myanmar fans go wild as MMA hero Aung La Nsang wins against Vera | Mizzima Myanmar News and Insight

Anih nih tlaih a ka timh lai i keinih thongh ka timh ve lai timi cu a fiang ko ,a sinain kulhchung kan luh hnu ah cun zeipoah ai thleng dih kho i zeitin dah a si te lai timi cu chimcia a har ngai ngai . Khat le khat kan kuat kan i thei dih veve cang i zeitin dah ka teikhawh ning a si lai timi zong kan hman ding kan i thei veve fawn .Reinier de Ridder cu Holland ah ke hmanthiam le thonghthiam pawl hna he timhtuah nak a ngei i keizong special in timhtuah nak ka ngei ve fawn.

The Stars Predict Aung La N Sang Vs. Reinier De Ridder | ONE Championship - Mixed Martial Arts

Curuang ah puai ropui taktak a si ko lai”tiah Aung La Nsang nih cun a chim .Reinier nih cun hi ti hin a chim ve “Aung La Nsang nih a chim cang bantuk in a donghnak bik kai thuatmi puai pahnih kha cu a ropui lawlaw , cun taisawm cotu ka tei khawh mi ruang ah khan hmailei zong ah zei bantuk mithua thiam zong ka rak teikhawh tuk ko hna timi mah le mah i zumhnak tampi a ka ngeihter fawn .

Reinier de Ridder wants Aung La Nsang title shot this year (Video) | Asian MMA

Aungla nih a chim cang bantuk in tutan kan i thuat tik ah cun a phunphun ka thiam mi ka hman lai caah ,keimah zumhnak ah cun puaithok ka hrawng ah cun dirhmun tha deuh in teinak a hmu lai tiah ka ruah . Sungpuai ngei bak lomi ka si tik ah mipi zong ka cah duhmi hna cu keimah hi rak ka hmu niam hna hlah seh , cun khatlei ah zumhlo deuhmi zong cu ka si kho ko a poi lemlo . Asinain cu bantuk dirhmun cun teinak a hmu lengmang cangmi ka si ve fawn .

Aung La Nsang A Neh Lo Ruangah Pacang Pakhat A Thi ..

One Championship ,Middleweight ah mithuat a thiambik dirhmun ah dir hi ka cak tuk cang.Tutan puai cu keimah caah cun a biapi tuk mi puai a si i hi puai nih hin a hnu ah dirhmun sang tuk ah a ka chia khotu puai zong a si fawn.Fiang tein ka chim si ah cun tutan puai tluk in ka caah boruak a sang mi puai hi ka tong ve bak rih lo i tutan puai ah teinak ak hmuh a si ah cun taisawm cuh than dingin singkhaw than dingin can ka pek colh fawn” tiah a chim ve.

Reinier a bia ruang ah cun Aungla Nsang cu a lungtling lotuk i a leh ve mi cu ka sunghsual a si zong ah a phung ning tein taisawm chuh than duh ruang ah mi a singkhaw than vemi dirhmun ah dir dingin ka singkhaw colh ve than ko lai tiah a leh colh ve .Cuhnu ah Renier de Ridder nih cun Aungla cu round 2nk ah hngawng reh nak in ka tei colh te ko lai tiah a chim ve than .Cukong ah Aungla Nsang nih cun kei cu round 5 chung ah teinak hmu hrimhrim dingin kai celh lai tiah a leh ve than .

An pahnih bia ning tein tuzan ah an i thua i a round 1nk ah Ridder nih hngawng reh nak in a tei taktak . Aungla NSang puai a rak zoh vemi le a ttanh taktak tu Kawlram Kachin ramkulh Butaaoo khua ,Airport pawngte i a um mi U San Ngaing Sin (Kum 60) mi cu Aungla a sungh bak in a lungrawk tuk i a thutnak in a ran nak in a tho thut i a tlu i a thi colh tiah kan theih . U San Ngiang Sin hi thikai zawtnak a rak ngei cia mi a si caah Aungla Nsang a sunghmi ah a thinlung a faktuk i a thikai a zual colh caah tu bantuk in a nunnak a liam hi a si tiah kan theih . 

Source  :  Kachinwaves

Be the first to comment

Leave a Reply

Your email address will not be published.


*