Arti Hawng A HLonh Tawmi Na Si ah Cun Hi Ca hi Ral rel Ve Law Na Arti Hawng Na Hlonh Siang Ti Lailo

Mi tampi nih cun arti cu thazang caah a tha ti cu kan theihdih ko lai nain arti hawng cu zei caah dah a that ti mi kan theih ve lo caah arti hawng cu santlai lo ah kan ruah i kan hlonh lengmang cio . A si nain tutan kan tialmi na theih hnu ah cun na hlonh siang ti lai lo .Cuca ah cun arti hawng cu zei ca ah dah a that timi cu a tanglei bantuk in kan rak langhter lai .

1.Kha-zian chinti cin nak ah a tha tuk : Arti hawng ah hin calcium dat ai tel caah khazian chinti na cin nak vawlei chung ah khan chiahpiak law ai ziak taktak ti a si .

2.Thianh hlimh nak caah a tha tuk : A hlei in coka lei ah kan hman mi belkheng pawl thianh hlimhnak caah a tha taktak . Arti hawng kha nitlang ah ro te in na pho hnu ah dip tein na rial lai i soda he na cawh lai i ti tlawmpal na cawh hnu ah puanchia in coka na hmanmi belkheng pawl kha na hnur nak hna lai . Cu ti na tuah ah cun na hman mi belkheng pawl cu hawinak in an thianghlim lai i an tleu taktak lai a seh ciami zong a thianh khawh dih ti a si .

3.Coffee a thawt ter : Arti hawng kha ro tein na tuah hnu ah dip tein na rial lai i coffee na din mi chung ah tlawmpal tein na cawh lai i lakphak fe zet nak in na zet than lai . Coffee ah ai tel mi a thlum mi acid pawl kha a that ter i ngandamnak caah a that pin ah coffee i a thawnak taktak a chuahter .

4.Thlaici kauh a fawi ter : Arti hawng chung ah vawlei tlawmpal na chiah piak hnu ah na tuh dingmi tlaici kha na chiah lai . Cu ti cun arti hawng he thlaici he vawlei chung ah na chiah ti ah cun arti hawng cu a rauh hlan ah vawlei dat ah ai cang colh lai i thlaici na tuh mi cu chikhat te ah a nung colh lai .Culawng si lo in arti dip tein na rial mi kha na thlaici tuhmi lak ah na theh chih ah cun rungrul le thildang nih zeitik hmanh ah na thlaici tuhmi an ei kho ti lai lo .

5.Chizawh le Uico ral a kham khawh : Arti hawng ah a um mi calcium rim hi chizawh e uico nih an duh lo ti a si . Na sapherh a ei lengmang tu chizawh ven na duh ah cun arti hawng kha a pawng te ah chia law a ra ngam lai lo .

Source   :  achawlaymyar

Be the first to comment

Leave a Reply

Your email address will not be published.


*