Apasal Toilet Chung Ah Sml 4 Peng Caan A Hmang Tawn i Nikhat Cu Restaurant Ah An Kal i An Nupa In An Mualpho Cikcek

Justin timipa cu nikhat ah ekinn voi 4 hi a kal lengmang i voikhat ekinn a kal ah hin nazi 1 peng a rau i nikhat ah nazi 4 chung cu ekinn chung ah caan a hmang zungzal tinak a si .Nikhat cu a nupi he rawldawr ah an kal i rawl eiding an cah lio ah an pa nih cun ka ek chuak a ti i ekinn ah a kal than. Anupi nih cun a rau tuk than sual lai ti a phan caah “inn a silo hi awh rawldawr dawh a si hih va rau tuk hoi sual hlah aw” , tiah a cah ta i an pa zong nih cun “aw ka rau la lo minutes 1 lawng ka rau lai” tiah a leh ve .

Asinain an pa cu ekinn chung ah cun minutes 45 chung bak a va rau thiamthiam . An nu cu a beidong tuk cang i pa ekinn ah cun a thli tein a va kal i “na tha maw” tiah a va hal i an pa nih cun ” aw ka tha ko minutes 1 ah ka rak chuak cang lai” tiah ekinn chung lei cun a van leh ve. Asinain a chuak hlei lo i a rau tuk thiamthiam.Adonghnak ah an nu cu a beidong tuk cang i an cahmi rawl cu a rak ei i bill zong a pek dih i innlei ah a lawi tak diam.

Ahnu ah an nu nih cun a hei call i an pa nih cun phone zong cu a rak tlai ve hawi lo . Anpa cu amah tein a rak lawi i “kha rawldawr kha an rawl tuah a rau tuk la tiah ka theih cia caah ekinn chung ah khan ka thu hramhram” tiah a leh .An nu nih cun an pa sining cu a beidong tuk cang i online ah a tar i kan pa hi zeitin dah ka tuah lai” tiah mipi sin ah bomhnak a hal hna.

Apasal ekinn chung a um sautuk ruang ah an buai i , online ah mipi pawl nih cun hitihin an rak leh ve .”Nanpa hi na caah 100% zumh a tlak lo ruang ah a si kho.Cucaah ekinn a kal tik ah a phone kha ken ter hlah law a rau ti lai lo . Aphone na ken ter lo bu in a rauh thiamthiam ko a si ah cun nanpa nih hin nangmah sin ah chim ngam lomi taksa damlonak le harsatnak a ngei kho.Cucaah cun doctor te sin ah kalpi law va piah law a tha bik lai tiah ruahnak an rak cheuh ve.

Be the first to comment

Leave a Reply

Your email address will not be published.


*