Mipi Lak ah A Nungak nu A Ek Ai Cehsual mi cu Ningzak lo le Mualpho lo Tein A Fimtawl Thiamtu Tlangval Fel

Thailand ram ah nungak tlangval ai uarmi hna pahnih cu a leng ah an chuak ti i dawr ah thil an ei i nuam ngai cun can an hmang ti . Asi nain hi ni hi nungak nu nih ka mualpho ni a si lai tihrim ai rak ruah ve lai lo . Dawr i an thil ei mi cu hmathak thak taktak in an tuahmi pawl a si i an ei dih hnu ah cun nungak nu nih cun ka paw a nuam lo e tiah a tlangval pa sin ah cun ai ceih lengmang.

Nungak nu cu toilet kal a duh tuk cang nain toilet ah minung an um lengmang caah a lawng lo i cu ti cun harsa ngai cun ai sum peng . Ai sum cawk ve ti lo i innlei tu ah rak ka lawipi than ko tiah tlangval pa sin ah cun a ti i innlei lawi ding cun an i tim . Tlangval pa motor cung an luh lai te ah cun nungak nu cu ai sum kho ti lo a pawchung ah le a thak mi lawngte a si tik ah a ek hang kha lenglei ah aa ceh pah cang .

Tlangval pa nih cun a motor kutka cu a on i rak lut ne a ti ah cun nungak nu cu motor chung ah lut lo cun a dir peng i ziah na dir peng a ti tik ah cun ka ek kai ceh , na motor zong ka thur hnomh dih sual lai tiah nungak nu nih cun a chim .

Tlangval pa nih cun a si ne le Bus in na lawi ko ne lai tiah ruahnak a cheuh . Bus chung zong ah cun a thu ngam ti lo i a kut in a hnulei cu ai hup i cu ti cun inn a phan. Inn an phak cun a tlangval pa nih cun toilet chung ah a luh pi i fih lo tein thiang hlim te in a nungak nu cu a tawl piak dih hnu ah a thil thlen nak vialte zong a lak piak i tha tein a thlen than .

Nungak nu cu a ningzak tuk i kan buai tuk ee a ti zong ah tlangval pa nih cun a nungak nu cu ningzak lo ding in a hnemh i a ho kan si poah ah hi bantuk thil hi a tong kho cio pei kan si ko cu tiah a nungak nu cu tha tein a hnemh i ningzak lo ding tein a tuah .A nungak harsat nak a theihthiam i ningzak lo ding tein a bawmchan tu tlangval pa cu an thangthat tuk cio .

Source : mmcelebrity.info

Be the first to comment

Leave a Reply

Your email address will not be published.


*