An Fanu te Nih A Room Chung i CCTV Camera Cu A Chawnh Lengmang , A Ruang An Van Theih Ciammam i Ttihnak in An Khat

Kan vawleipi a thangcho chin thluahmah cang i a hlan ah kan rak ngeih/hman khawh bal lemlo mi tiang zong in kan mah le inncio ah kan hman hna i cunih cun hnangam nak a kan pek lai i zan ah mitkuh thaw tein a kan hngilh ter khawh deuh lai tiah kan i ruah chan . Asinain hi thil pawl nih hin kanmah tu thinlung nuamlo le thinphang in a rak kan chiah khawh ve timi cu hi nutling fa 4 ngei cangmi nu i a thilton nih hin fiang tein a langhter .

No description available.

Hi nu hi fa 4 a ngei i a pasal he khuasa an si fawn , an inn hi hngakchia umnak ti tak ah nichiar te in nih thawng le lente i celh thawngin a khat peng.A fale cu a can ah fashionshow an ti a can ah an concert thulh i cuti cun umhar hmanh thei lo in thawngpang an ngei zungzal . Asinain an unau lak i hngakchiabik nute nih CCTV i camera a chawnh lengmang mi tu nih cun umkhua nuamlo viar in a tuah cang hna .

No description available.

Chungkhar nubik nih hin an nupa in rian ah an kal i an fale inn ah an mah lawng an chiahta tawn hna caah kan fale hi an him maw him lo ti theih duh ah Ring company nih siam mi CCTV cu mantlawm te in a cawk i an inn ah cun an bunh ve .CCTV an inn ah an install hnu nithum nak ah cun a fanu Elisa nih cun a unu he an um ti nak room chung CCTV an chiahnak hmun cun thawngpang phundang ngai a theih i hngakchia a si caah tihawk zong a thei lem lo .

No description available.

Naute ai lenh tawnmi aw thawng ah a hmasa ah cun a ruah i a naute cu a va lak i a zoh tik ah zei thawngpang hmanh a chuak fawn lo caah a khuaruah a har .An innchung i an chiahmi camera zawn ah cun a va dir i pa aw in ” na hawikom pei ka si cu na room kha na duhning poah in na hman khawh na thilri pawl zong kha hnok ngai in na tuah khawh ko hna a hohmanh tih hna hlah keimah ka um ” tiah hngakchia nute cu camera chung cun aw pa khat nih cun a van chawnh thluahmah .

A donghnak ah cun Elisa zong nih cun a tih ve i ” aho dah na si kan theihmi na si lo a ti i a room chung cun a ran nak in a chuahtak . Hilio hi an nu cu a rian ah a um lio a si . A fale nih cun a nu cu a ran nak in phone in an chawnh i a nu nih cun a riantuan nak hmun cun an pa cu a hei call i camera hmangin na fale na van capo hna maw tiah a hal tik ah an pa zong nih cun a ruahawk zeihmanh a rak thei ve lo .

No description available.

A nu cu a rannak in inn lei ah a lawi colh i an camera a van check tik ah cun a thilhmuh mi nih a khuaruah a har ter i umkhua nuamlo viar in a tuah ve colh .Camera i pa aw a theihmi cu a pasal le a mah theih hngalhmi aw pakhat pakhat zong a si fawnlo tik ah tihnak in a khat ve i a rannak in camera an cawknak Ring company lei cu an thilton mi vialte cu thawng an hei thanh colh hna i an mah lei in thawngpang tha pakhatkhat theih dingin an i ruahchan lio ah cun ring company lei cun hikong ah hin zeihmanh mawhphruhnak kan ngei lo kan kut kan i tawl tiah an rak chawnh ve hna .

No description available.

Cutik ah cun an chungkhar in tihnak in an khat i an innchung i an chiahmi camera hmangin a ho nih dah a rak chawnh hna i hi bantuk in a fale hi a rak thihphaih hna ti an ruah tik ah an nupa in zan zong an i hngilh ngam ti lo .Washington Post nih an komh hna nak ah cun Ring company kher i CCTV Camera kan rak cawk hi kai chir tuk tiah an nu nih cun a chim ve . Camera cu an lak i an hlonh cang nain a fale thinlung i tihnak a um mi cu zeitik tiang dek a deih rih hnga tiah an nupa cun umkhua nuamlo ngai cun an um .

No description available.

Hi thil an tonmi hi an ruah tik ah an innpa ah a um mi pakhat khat , a silo ah anmah a theitu le an cung ah hnahchuahnak a ngeimi minung pakhat khat an si an zumh i , ka fanu le an room chung i an um ning le an cawlcangh ning vialte zong a rak zoh hna i a rak hmuh peng cang hna va si kaw a ti i chungkhar i nucem cu thinhun nak le tihnak in a khat .

No description available.

An fale an him khawh nak hnga le innlei ah an um tu ning fawi tein an riantuan nak hmun in an Mobile in rak zoh le rak hmuh khawh nak ah tiin an cawkmi camera cu misual a ho ti theihlo mi nih a rak hack piak hna i a fale inn ah an mah lawng an um lio cu a rak tthihphaih hna . Acan a tlai hlan ah an theih manh caah an fale zong an him manh , thei colh hna hlah sehlaw a fale ca tiangin tihnung a si ko hnga . Kan vawlei a thangcho cang i kan caah bawmtu ding ah kan hman mi thilri pawl zong hi kan caah thinphan nak a kan pe tu tu ah an cang kho ve thiam ko .

Be the first to comment

Leave a Reply

Your email address will not be published.


*