Amah Thlahnak Programe An Hman Lio Ah A Thi Ciami An HawipaFootballer Nih Cun A hnubik Caah Goal A sut

Chilean Side Aparicion de Paine caah a chuihmi footballer Jaime Escandar Kum 37 mi cu nikum ah khan a thi cang nain ,amah a um tilo hnu zong ah a kuang chungin a hawikom tha le footballer a hawile pawl hna nih cun a donghnak caah tiin goal an sut ter tiah theih a si.Vanchiat ah Jaime Escandar hi kum 2021 ni donghnak ni ah a thi i,a ruak hi thlan ah phum asi hlan ah a team mates pawl nih cun a caan donghnak caah tiin a mah theihpengnak ah caan an hmang hna tiah theih a si.

January 3,2022 ni ah Chilean side Aparicion de Paine players pawl nih cun an hawikom tha a simi Escandar ruak cu bawlung chuihnak field chung ah cun an zawnh i a teammates lak ah mi pakhat nih cun yard 6 chung goal pawng ah a kuang lei hawih in Escandar cu ball a passed i a kuang a va tongh hnu ah ball a rakkirmi cu Escandar goal hnubik caah an pom piak tiah theih a si.

An hawikomtha a simi Escandar philhlonak ah caan an hmanlio cu mi tampi nih an rak zoh ve hna i,a teammates pawl cu an zate inĀ  bawlung chuihnak angki hring an i hruk dih i an hawipa Escandar ruak kuang he cun caan an hmang hna.Hi bawlung chuih thiam an hawipa theih zungzal nak caah caan an hman lio video hi Chile khuapi Santiago pawng huelquen in lak a si.

Caan tlawmpal te a rauh hnu ah vawleicung mipi hmuh ah social media chung ah tlangzarh a si i a hmutu mipi vialte thinlung a khawih ngai ngai tiah theih a si fawn. Tubantuk in an hawikom tha a simi footballer minthang caah caan an hmanmi cu mipi nih an thangthat hna i an upat tuk cio hna tiah theih a si fawn.

Be the first to comment

Leave a Reply

Your email address will not be published.


*