Nungak le tlangval an i duh tikah cun an zeizong tein an i duh chih hau tiah an chim lengmang tawn.An konglam nehhnu pawl zong kha philh piak dih i hmaileiah lungrual tein kee kar hlan ti ding ti zongah an chim len tawn.Mexican Monterey khuaah pathlawi fa 3 ngei cangmi le nungak. pasal ngeirih lomi nu bak an i duh.An i duhnak zong hi a rau rih lo nain hmunkhat i um ti ding cu an i tim.
An i umhnak dingah thil herhmi hna cu an buai pi dih hna. An i umhnak ding an puai ni lawng cu an hngak cang.Cu tikah an pahnih cun hmailei caan i an um tuning ding pawl cu an i ruah ti i a nungak nu nih cun a lungtlin pi lo.A pasal ding nih cun tuan deuh i a nupi he an fa le pathum hna cu hmunkhat ah an sinah kan um ter hna lai tiah a ti tikah a nungak nu nih cun a duh lo caah an i thitumh dingmi cu an cancel than.
A nungak nu zong nih cun fiang tein ka um pi kho hna lai lo tiah a pasal ding cu a chimh ve i cu caah cun an i umh dingmi cu an phiat than.Cu tikah James nih cun an konglam cu a facebook ah cun a rak tar ti si.Ka dam chung i ka um pi dingmi nu a rak si lo timi cu ka theih thiam.Ka nupi hmasa he fate 3 kan ngei cang i ka nupi thing nih cun ka fa le pawl cu a ngeihsak tuk hna lo caah ka sinah an um.Kei tu cu ka fa le caah pa tha tak si kai tim tiah a ti.Ka fa le pawl a um pi kho lo dingmi nu pawl cu um pi kai tim hna lo tiah a ti.
An i thitumhnak dingmi Hall le thilri hna cu an timh dih cang i $4300 an dih.Thitumhnak tuah ai tim mi nan um sual siah cun kan mah nih kan rak i timh cianak thilri pawl cu $ 3000 in nan i hman khawh tiah a rak tar chih.Online chung i mi cheukhat hna nih cun an soisel i nupi ngeih maw nan i timh nau um tu dah ngeih nan i timh tiah an ti.Sinain mi cheukhat nih cun na ti tha tuk.Fa le pawl hi a pakhatnak ah chiah dingmi cu an si tiah a ti vemi an um ve.
Leave a Reply