A tulio AA tapung le kawl ralkap pawl fak tuk in an i kah caah Chin ramkulh chung Paletwa peng ah cun mipi tampi an thih lawng si lo in an nun nak him nak ruah ah khua 10 hrawng chuah taak in hmunkip ah an zam i cu ti cun an i dor cuahmah lio a si . hi kong he pehtlai in Chin party a si mi ,CNLD zong nih statement a chuah cang i ngeihchia ngaingaia si .Paletwa ralzam hartong pawl caah kawlram hlasak thiam minthang a si mi Sung Tin Par le Chin Model Margaret zong nih an sikhawh chungin bomhnak pek dingin thazang an chuah i mipi sin zong ah sawmnak an tuah tiah theih a si .
Paletwa kan unau pawl hi zangfak an si khun nak cu an mah caah zalen nak le Chin miphun zalen nak caah ral kan do ti zong asi lo i Rakhine tapung pawl le kawl ralkap an i doh nak ruang ah hitluk an mah tu harnak an tuar hi ruah ah ngeih a chia hringhran ko .Hi kong he pehtlai in CNA pawl nih AA um nak caah Chin ram an rak sianh mi hna zong hi an rak i palh deuh ko tiah a chim mi kan pale pawl zong zei maw zat an um .
Hi paletwa kan unau ralzaam pawl caah hin Chin mi chungin min ngei hlasak thiam Sung Tin Par le Margaret lawng si ti lo in Myanmar Idol Season 4 i min ngei mi kan laimi Ben Ben le Esther le Zaw Yee zong nih bomhnak pek ding le a sikhawh chungin bomhnak kawlpiak dingin timh lamh nak an ngei ve cang .Cu lawng si lo in tu ni March 20 ah Yangon khuachung ah one man show tuah in hlasak thiam David Lai zong nih paletwa ralzam caah phaisa a kawl cuahmah ve tiah kan theih .
kan unau a si mi Paletwa ralzam pawl caah kan ngeihchiat chawva in siseh thlacam nak te he kan um nak cio in bawm cio hna u sih . a tulio paletwa ralzam miharsa bomh a herh taktak mi hi minung 2000 reng lo an si .
Hlasak thiam Zaw Yee nih kawlca in paletwa miharsa bomhnak caah hi ti hin ca a tial mi zong a tanglei ah kan rak chiah chih lai .
Leave a Reply