Buanlung Mino Pathum Hakha Ralkap nih an Tlaih Hna : Nizan March 28 ah thilcawk ding in leng ah an chuak i an tlau, tiah an timi hna Buanlung khuami Cung Hlei Sang (kum 17), Van Nun Bawi (kum 17) le Roland (kum 18) cu ralkap nih an rak tlaih hna i Rungtlang 266 sakhaan ah an hren hna tiah thawng kan theih.
Hakha ah a ummi chungkhar hna nih, “266 ah kan hren hna tiah atu zanlei ah khan phone a kan chawnh. Tu zanlei ah Palik sakhaan ah kan ratpi hna lai i, rak dong hna u a kan ti,” tiah The Chin Journal ah an chim.
Buanlung khuami mino pathum hi nizan Hakha mei a mih lio ah kan an umnak Auto sang in thilcawk ding in leng ah an chuak i ralkap nih an rak tlaih hna hi a si. Nihin zanlei muika ah khan chungkhar lei palik sakhaan ah an kal. The Chin Journal .March 29, Hakha
Kawl Nutung pakhat nih “Min Aung Hliang” lamcung ah a tlaih hrem : Kawlram cu ralkap nih uknak a lak tik ah kawlram chung mipi vialte cu thinhun nak le ngeihchiat nak in kan khat dih cio hna i ralkap uknak cu a hohmanh nih kan rak duh cio lo timi fiang tein a lang . Ralkap uknak duhlonak cu a tlangpi in mipi nih lamzawhnak in langhter a si i , culawng hmanh cun a diriam kho lomi le hawihlei fak in ralkap uknak an duhlo nak a langter mi tampi an um cio hna .
Cuhna lak ah cun a roling bikmi tiah ruahmi a um i cukong cu tutan i kan rak langhter mi hi a si . Ralkap uknak duhlonak langhter mi chung ah a phun phun a um i mithen khat nih cun “Min aung Hliang” hmanthlak kha mei in an khangh i culio cu video in live an thlah i mipi hmuh awk ah social media ah an pholangh .
Mithen nih cun “Min Aung Hliang” ruak kuang bantuk an ser i cu cu mei in an khangh ve i a ruak kan vui cang hi vawleicung in kan hlonh cang tiah diriam ngai in an langhter ve . A Phun phun an duhlonak an langhter nain culak ah a fakbik tiah ruah i lung a hmui khun mi cu kawl pitar pakhat nih ‘Min Aung Hlaing” a duhlonak a langhter ning hi a si .
Kawl pitar pakhat nih cun Lamzawhnak ah a chuak ve i palik le ralkap hmai bak ah “Min Aung Hliang” hmanthlak cu lamcung ah a phah zau i a hni ai hlim i a karkalak ah a chiah i a tanglei **** in heh tiah a nenh i a hnur i a taat chih len . Zeitluk in dah a huat i a duhlo timi a langhter ning zoh tik ah “Min aung Hliang” a hua tu pawl caah cun lung a hmui kho taktak khi si .
Mipi lei in duhlonak langhter tik ah bia chiakha tuk chim le thing le lung in ralkap pawl den te hna siseh an remlo tuk mi thil tuah hi i khap cio a si i a nem nak tein duhlonak langhter i bia in au a si ko nain hi pitar nu nih cun thih hmanh tih lo bak in zeitluk in dah “Min aung Hliang” a duhlo timi a langhter mi video nih kawlram pumpi a cul vawlei pumpi a cul fawn . Note : A video hi cu mipi hmuh awk ah zoh a chiat deuh caah kan lamghter chih lem lo . Source : Zarni Tike
Leave a Reply