A Rul Zuat mi Nih Zaan An It Can ah A Taksa A Zual Dih Tawn i Doctor Sin Ah A Va Piah Ciam mam Cu A Rul A Zoh i Tihnak In A Khat Colh

Kum notea si rih mi kum 30 hrawnghrang India nungak pakhat nih rul nganpi (Lim) cu a inn ah saram zuat bantuk te in a zuat ve i , a zuatmi rulpi hi a saulei ah 4 meter hrawng a si .A zuatmi rulpi he cun ngamhtlak ngai in an um i inn ah uite le chizawh kan zuat i kan dawt i lentecelh nak ah kan hman hna bantuk te khin a rulri zuatmi cu a dawt ngai i hawikom bantuk bak in a umpi .

Rawl a pek i a can ah thiang tein ti in a kholh lengmang ve i a rulpi cu a tuanmuai huam ngai ngai .Asi nain nikhat cu a zuatu nu nih a rulpi cu voidang bantuk in rawl a va pek tik ah rulpi nih cun a ei duh bak lo . A pawkhim rih i a si ko lai tiah a hmasa cun a ruah sawh nain , cu ti cun zarhkhat chung rawl ei duh bak lo in a um peng tik ah cun a zuatu nu cu a lungre thei ngai in ka rulpi hi a zaw i si hnga maw tiah rul sining a theitu sibawi sin ah a a rulpi cu a kalpi i a va piah .

A zuatu nu nih a rulpi sining vialte cu a van chim i tha tein a ngeihpiak dih hnu ah hi ti hin rul sibawi pa nih cun bia a hal ve .Zaan ah na rulpi he hin nan it ti maw ? Aw it ti ko . A si cun nan it ti can ah khan na taksa vialte hi na rulpi nih hin an zual dih tawn maw ? Aw , a ka zual dih ko lum taktak in a ka zual tawn i zanchiar mitkuh thaw ngai in kan it ti tawn ko .

Ka rulpi nih hin thil pakhat khat khi duh sehlaw rak ka hal seh law a lo , a si nain zeidah a duhmi si tizong ka theih piak kho ve lo i a tuahpiak awk ding zong ka thei lo tiah rul sibawi pa sin ah cun a hei chimh .Sibawi pa nih a leh mi cu ” Na rulpi hi a damlo si lo in zaan i nan it ti can ah an zual dih tawn mi kha nangmah na taksa hi zeitluk rit dah a si hnga timi theih a duh caah a rak si .

Culawng si lo in a pawchung i a um cia mi rawl pawl vialte kha lawn ter dih hnu ah nangmah dolh a rak in duh caah timhtuah nak a rak ngeih ruang tu ah rawl ei lo in a rak um mi a si ” tiah a van chim ciam mam cu rulpi cu a zoh i tih nak in a khat colh . Hi kong hi a taktak bak in india ram ah a cangmi a si i , nun cawn nak zong ah a tha tuk mi a si tiah an chim phah .

Minung hi kan mah he ai ngamhtlak tuk mi a tule tu kan thatnak a chim tu le a kan kup i a kan ngamh tu poah hi kan cung ah mitha an rak si lem lo , kan theihlo in an thinlung chung ah kan cung ah zeibantuk thinlung dah an rak ngeih ziar timi a langhter tu a si .

Source : mmcelebrity.info

Be the first to comment

Leave a Reply

Your email address will not be published.


*