A POI TUK EE : Hrawhpiak A Tongmi Falam Catholic Thlanmual Min Tialnal Vailamtah Pawl Cu An Dir Than

March thla i Falam Catholic thlanmual thingcross hrawhpiak a tongmi pawl cu May 11 ah thluachuah peknak le thlacam nak ngei in an thawh than hna i an dirter than hna tiah kan theih.

Falam khuami pakhat nih cun “March thla donghlei ah khan Falam Catholic thlanmual ,Canbari thlanmual le Cawngthe thlanmual i mintilanak thingcross thenhat cu a ho ti theih lomi mi sual pawl nih an rak hrawh dih. Cu an hrawhmi thlanmual pawl cu an chungkhar hna le upa thenkhat le khrihfa upa thenkhat i tel in thlacam nak le thluachuah peknak he kan dirter dih than hna i pumhnka programe zong kan ngeihpiak than hna” tiah a chim .

Thlanmual i thingcross an hrawh dihmi tun dirter than nak cu Falam khuami patung nopawl (FPNP) nih tuanvo a lak i a tawlrelmi a si i , hi thil thalo tukmi a chuah mi kong he pehtlai in May 14 ah YCC hall ah sathi luan nak te he Pathian sin ah pekchanh nak programe zong ngeih ding in timhtuahnak an ngei tiah kan theih fawn .

Hi bantuk in Falam khua i thil a cangmi hi ngeihchia ngaingai a si i , a hleice in mithi chungkhar hna caah a fak khun tuk mi zong a si fawn. Thlanmual ah kal in mithi min tialnak thingcross vialte a hrawktu misual pawl hi mi zei an si hmanh ah ngaihthiam awk tha an si hrim lo . A ran nak in hlathlai i tlaih an si ah cun fak taktak in hremnak pek an si lai tiah kan theih fawn . Credit :Falam Online Media

Be the first to comment

Leave a Reply

Your email address will not be published.


*