A Poi Tipin Cun A Dih Ko : Kanmah Le Kanmah Kan I That Taktak Cang Ko Hih

Chin ramkulh,Tedim khuapi,sakaw sang chung i a ummi PDF-Zoland,Tedim peng i tuanvo latu Pu Cin Sian Sum (kum 38) cu November 5,2021 zinglei sml 4:00Am hrawng ah Zomi Army ZRA ralkap pahnih nih an kah i a nunnak a liam tiah PDF Zoland nih ca an chuah .PDF-Zoland lei in thawngpang chimtu nih cun”Nizan ah Pu Cin Sian Sum cu Myanmar leii tuanvo latu ZRA upa Pa Mang he phone an i chawn i,cu ah cun sakhan ah kalding in a chim.Asinain Pu Cin Sian Sum cu adam thatlo caah a kal khawh lonak ding kong cu tha tein a chim ve.

ZRA lei nih cun na ttih a si ah cun pastor pahnih he ra ko uh tiah an ti than,nain Pu Cin Siam Sum nih cun a kik tuk cang i ka ra kho lailo tiah a el ve than hna. Cutik ah ZRA upa Pa Mang nih cun hitin cun a ngah cang,kan tuah duhmi kan tuah cang lai tiah a ti ta.Cubantuk bia a theih tik ah Pu Cin Sian Sum cu a ngeihchia ngai ngai .Curuang ah zaan zong ah an inn ah it ngam lo in a unu le inn tang room ah a va it.Zinglei ah cun ZRA lei ralkap pahnih nih meithal in an rak thah cang.A unu nih cun zinglei sml 4:00Am hrawng ah”ka naupa ZRA pawl nih an thah,rak ka bawm u tiah a chungkhat pawl phone a call len hna nain zaanchuah an khap liopi a si ve rih caah a hohmanh an va chuak ngam lo” tiah a chim.

PDF-Zoland lei nih cun an hruaitu pakhat ZRA kutin anunnak a liammi cu an celh lo tuk ve i, lungfah tuk nak kong zong ca an chuah ve i diklo ngaiin riantuan nak le thil a canmi kong ah hlat hlai nak pehtlai in ngeih than ding le a dikmi lairel nak a chuah khawhb hrim nak hnga a herhning poah in kan cawl cang lai tiah ca an chuah ve fawn.PDF-Zolnd lei thawngpang phuangtu nih cun”Kan hruaitu pakhat hi zeiruang ah dah an thah timi kong ah kan ruahmi cu, an mah ZRA lei pakhat Kalay le Taingen kar lak ah a tlau i , cu nak cun buainak hi kawl hram an thok. Cun kanmah lei zongin ZRA mi pakhat a tlaunak kong ah kanmah he pakhat hmanh ai pehtlaih lonak kong ca in kan chuah ve.November 2 ah ralkap le ZRA cu chikhat khua ah an i tong i cu an i tonnak ah cun ZCD MP Pu Pau Lun Min Thang zong ai tel ve” tiah a chim.

ZRA lei nih hin November 29 ah Kalaymyo in ca a biapi tukmi i ken in a rak kai mi cu Kalay le Taingen karlak ah hriamtlai phu pakhat nih an rak tlaih tiah ca an rak chuah ve cang.Hikong ah hin PDF-Zoland cu an puh hna i,curuang cem ah cun tubantuk in an cawlcanghnak hi a si ko tiah zumh a si.ZRA hi India cozah he i kap lo dingin remnak a tuahmi an si i, a hlan zong ah PDA, PDF-Zoland le PDF Hualngo pawl an rkk i doh cang fawn hna.Curuang ah cun PDF Hualngo lei pakhat zong pum tlamtling lo ah a rak i chuah phah.

Be the first to comment

Leave a Reply

Your email address will not be published.


*