A Pasal Ruak An Vui Zaan Te ah Rawl Eisual In Nucem nih A kan Thihtaak Ve Colh Than Ee

Mizoram,Aizawl,Durtlang veng chungah thil a cangmi hi lung a fak kho taktak.Nikhat chung te bakah vanchiatnak,lungfahnak voihnih tiang an tong. December 4 zaan nazi 11:45 hrawngah khan Pu Lalthazuala cu ruah lo piin a pawfak.Siizungah an kalpi i siizung an phak hlan lampi ah a thi colh ti si.

No description available.

December 5 zing nazi 11:00 ah aruak zong an vui colh ti si.Cubantuk in chungkhar pacem nih a kaltak hna caah lungfak le ngeih chia in an um hna.Zaan riah ei a van za i zaanriah cu an ei hna.Zaanriah an ei lio ah a nupi Lalhmingmawii kum (46) a simi cu a Rawl eimi ai hak caah a thi colh ve ti theih a si.

62,643 Rip Stock Photos, Rip Images | Depositphotos®

An pa ruak hum mi hmanh an lawi hlanah an nu ruak humh colh a si i an nu zong a thaizingah vui ve dingin an timh colh ve. Hi bantuk thil hi a mak ngaingai i nikhat chung bakah accident ruangah ti zong si loin le cu hlan ah dam lo zual tuk ciami zong si loin,nupa bak in nikhat chungah an van thih komi hi cu khuaruahhar taktak a si.

An fale chungkhat zei tlukin dah an ngeihchiat lai i an lungfah lai.An kal takmi chungkhar cio zong Bawipa tu nih an ngeihchiat nak hnem hram ko hna seh. Thihnak timi hi kan pawngkam te taktak ah a rak um ko i mizei kan ca hmanh ah lamhla pi ah a um hrim lo. Bawipa nih an tantaak mi hna an chungkhar le an fale hnemhram ko hna seh.

Be the first to comment

Leave a Reply

Your email address will not be published.


*