China ram ,shandong hmun ah khua a sami pa pakhat nih cun a nupi a thi cangmi ruak cu phum siang lo in kum 50 chung bak ai chiah peng tiah theih a si.1971,May thla ah khan Mr.Gui nupi kum 49 mi Zhan weilian cu vanchiat ah Cancer zawtnak in a thi i ,asinain a ruak cu phum siang bak lo in amah nih tha tein ai chiah .
Mr.Gui nih cun a nupi ruak cu phum sianglo in cryogenics hmangin minus 196 degree celcius liguid nitrogen ah a chiah ti a si. Ms Zhan Weilian ruak cu Yinfeng Biological group Lab i ti chiahnak tank litre 2000 chung ah a chiah ti a si.Gui nih cun a nupi thi cangmi cu ” thadam tein van i din ta rih ko mu” tiah a ruak cu tha tein tank chung ah cun a it ter.
Mr.Gui nih tubantuk in a nupi ruak tank chung ah ai chiah peng nak a ruang cu a nupi hi a nung than te ko lai tiah ruahchan nak a ngeih peng rih caah a si.Mithiam pawl nih cun Zhan a thih hnu ah hin a thisen chuak dingmi kham nak ah a taksa ah sii an chunh i cuticun kum 50 chung bak ai chiah khawh nak a sitiah an chim.
Yinfeng Life Science Research Institute ah hin atu tiang minung (10) ruak an i chiah ko ti a si i ,asinain a hohmanh a nung thanmi an um hlei lo tiah theih a si. Minung hi kan then sian lo tuk mi hna nih an kan kaltaak tik ah ruahchan nak a um tilo komi zong thinlung in i ruahchan peng rih timi hi a um kho ti a si caah hi pa zong hi a mawh ve hrim lo.
Leave a Reply