A Nupi Naungeih Lio ah Nu Hngakchia A Rak Tlaih hrem i “Satan Riantuan nak ” A Si Tiah A Puh Ve Tawp Ko

Nigeria ,Ikeduru-Ogwah khua i a um mi patung pakaht “Ikechukwe Ekenta (Kum 33) pa nih cun an khua mi hngakchia kum 4 nu cu a tlaih hrem ruang ah an tlaih . Asi nain a mah duhnak in a tlaihhrem mi a silo i a chunglei in fialtu satan riantuan nak ruang ah a si tiah a chim ve .

A chunglei ah khuachia an lut tawn i thil khuaruah har taktak pawl tuah an ka fial lengmang tiah a chim i mithen khat pawl nih cun a nupi nau a ngeih lio a si caah a it pi kho ti lo i hngakchia a tlaih hrem nak a si ko tiah an chimve .A tlaih hrem mi kum (4) nute hi a tak aa kholh lio ah a chiatha afaktuk i a nu nih tha tein a hal tik ah a nu sin ah cun thil sining a chimh dih .

Ai hngilh lio ah a rak tlaihhrem i a faktuk ruang ah ai thangh nak kong tiang in a nu sin ah cun a chimh dih .Ikechukwe Ekenta nih cun ” Ka tlaih hrem taktak lo ka kut lawng ka hman tiah a chim ve caah doctor te sin ah hngakchia nu cu an zohter hna i doctor te nih cun tlaih hrem a si ko tiah an chim caah palik nih an tlaih colh i thong an thlak colh ve .

Source : Dailymail

Be the first to comment

Leave a Reply

Your email address will not be published.


*