A Konglam A Theitu Nan Um Sual ah Cun Zangfah Tein Rak Ka Theihter Hram Uh

Myanmar ,Magway Region,Taungdwingyi Township Hmatsi khua i a um mi U Myo Mint Aung le Daw Ong Mint te i an fanu tang 9 kai lio mi Mah Suh Mon ti mi nu cu 19.8.2019 in a tlau i tu tiang inn ah a rak lawi ti lo ti a si . khuami hna nih can saupi chung an hawl cang nain an hmu kho hlei lo . khawika ah dah kan kawl than lai ti ruah nak zong an ngei kho ti lo i an lung a dong taktak cang .

zei ti tuah awk an theih ti lo hnu ah tu bantuk in Social Media ah an thanh nak a si . hi bantuk fanu duh nung te a tlau tik ah a nule pa cu zeitluk in dah an lung re theih hnga . a hmanthlak hi tha tein zoh cio hna u sih law zei ti tal in bomh khawh nak lam kan ngei kho ve cio hnga maw ?

kawlram pumpi ah laimi kan um lo nak taktak hi a um lem ti lo i kan i zuam ah cun kan bomh khawh hna nak a lam zong a um kho mi a si ve ko . 19.8.2019 in a tlau cang i tu tiang an kawl i an hmuh ti lo mi Mah Suh Mon thawngpang na theih ve sual a si ah cun a tanglei pehtleih nak kan chiah mi ah hin thawngthanh khawh a si .

Contact : 09971807195 , 09796749314

Source : MDY News

Be the first to comment

Leave a Reply

Your email address will not be published.


*