A innpang Lampi Ah Motor le Bike Rangtuk in An Tli i Hna An Chet Tuk Ruang ah thil Pakhat te a tuah i Khauchung mi An Buai dih

Malaysia ,Kampung Padang Luas khuachung i lampi pawl cu cozah nih thatuk in an tuah dih cang tik ah motor le bike aa chokvak pawl an rang tuk i aa choklet mi zong an tam ngai .Patling pakhat kum 40 mi Nor Muhamad Roslam Harun te innkam i lampi zong cozah nih thatuk in an tuah piak ve hna i motor le bike choklet an tam i hna a chet ngai ngai ti a si .

Nor Muhamad Roslam Harun nih an inn pawng i motor choklet thawng cu a neng tuk cang , a ruang cu a itkhun hram bak ah lampi a si tik ah zan zong aa hngilh kho lo i chun le bang ah cun thawngpang a tam tuk caah a ai lawng a puang cang .A dongh nak ah cun ai tuar ti lo i a mah phaisa dih bak in an innpawng lampi cu lambo (breaker) 11 bak a siam .

Hi a tuahnak ah hin PM 1,080 bak a dih ve ti a si i , hi lambo a tuah hnu cun motor le bike cu rang pinan tli ngam ti lo i duhsah ten dai ten an mongh cang caah a mah zong mitkuh thaw ngai in ai hngilh kho cang ti a si .Asinain an sangchung minung pawl nih kan buai tuk an ti caah a tu le tu hrawk than dingin an va fial than lengmang .

Asinain zeihmanh ah a rel hna lo a hrawk duh hlei lo .An sangchung minung nih cun kan i hman hmawh caan ah a buaithlak tuk an ti caah palik officer sin ah an va chimh i palik officer pakhat nih cun a inn te ah tha tein a va len i cuhnu lawng ah cun a hrawh piak than hna .Hi lambo (breaker) a tuah nak le a hrawh than nak ah hin a mah phaisa tampi a dih ti a si .

Be the first to comment

Leave a Reply

Your email address will not be published.


*