A Hnakhaw fah A Celh Tilo i Sizung Ah Ai Piah Tik ah Cun A Taksa Chung ah Ramnung (10) Bak An Hmuh ( + VIDEO)

China ram ah Mr.Lv timi pa cu a hnakhaw a fah celhti lo i sizung ah a vai i piah tik ah cun doctor te nih a hnakhaw chung an van check i a hnakhaw chung ah curcuk (10) bak an rak tlonglen ko kha an hmuh .

Mr.Lv nih cun ” Sizung ka rat hlan ah ka hnakhaw cu a fak ngai cang ko nain voidang tawn bantuk hnakhaw fah sawhsawh ah ka ruah i mah tluk cun biapi ah ka chia lem lo . A sinain kai ceih lengmang an theih tik ah ka chungle nih khawituah kan van in zohpiak sawhsawh tuah lai an ti i ka hnakhaw cu datmei in an van ceuh tik ah cun curcuk ngampi an hmuh i an lau tuk tiah a chim ve .

Mr.Lv le a chungkhar le nih hin a hnakhaw chung ah hin curcuk mahtluk tam an rak um lai timi hi an ruat hrimhrim lo an mah nih an hmuh mi curcuk pakhat te lawng kha a si rua tiah an ruah mi a rak si nain curcuk (10) bak a rak um cu an khuaruah a har tuk ve .

Hnakhaw lei sibawi thiam a si mi “Dr.Zhong Yijin” nih cun “Mr.Lv a hnakhaw chung kan van zoh ah hin curcuk pi kan hmuh i tha tein kan van check than ah cun a fale tete zong kan hmuh hna i curcuk pi chuahhmasa lo in forcep in curcuk fa tete cu pakhat hnu pakhat in kan chuah hna i a donghnak ah a pi cu kan chuah than . Curcuk kan chuah dih cun Mr.Lv a hnakhaw fah cu chikhat ah a tlau dih colh ko a vantha i thinphan tuk ding dirhmun ah cun a dir manh lem lo ” tiah a chim .

Zeitin dah a hnakhaw chung ah hin curcuk mah tluk tam hi a luh ning a si timi an van hal tik ah cun “Zan ka it lai ah hin ka itnak pawng ah rawl/thildang zong ei ka hmang i ka einak kha fimthan ti lo in it colh ka hmang .

Cu ka einak pawl cu kai hngilh hnu ah curcuk nih an rak tlanh tawn i tu bantuk in ka hnakhaw chung tiang an hung luhnak a si ko lai” tiah a chim .Zan i thilei /rawlei hmangmi na si ah cun zeitik hmanh ah na itnk pawng hrim ah na einak kha chiata hrim hlah tha tein fim than lengmang i zuam .

Source : MMCelebrity.info

A tanglei ah VIDEO a um lai .

Be the first to comment

Leave a Reply

Your email address will not be published.


*