2017 Myanmar Prince Ngahtu Ko Htet Aung Ralkap nih An Thah

May 28 zaan nazi 9 hrawngah tlangval no kum 20 a si mi Ko Htet Aung cu cycle ai cit i Yangon Insein Township puaktawwa lamah cycle a mong i ralkap pawl nih cun an dir ter check dingin an dir ter i sinain a duh lo caah dir loin cycle cun a lan .cu tikah ralkap pawl nih cun motor in an dawi i motor cun an pah i an rial caah a thi tiah theih a si.

An veng chung i mitin hmumi pakhat nih cun zaan nazi pa 9 hrawngah cycle a rak i cit i ralkap pawl nih cun dir dingin an ti sinan a dir duh lo caah ralkap pawl nih cun motor in an dawi i an rial caah a thi tiah mit in a hmu tu bak nih a chim mi si. An rial ning cu a fak taktak a cycle tiangin lak awk pakhat hmanh tha loin ai rawk dih tiah theih a si.

Cycle a mongtu tlangval pa te zong cu zeihmanh thei loin a um colh. A dirhmun cu a chia taktak i tlawmpal ah cun a nunnak a liam colh tiah theih a si. An chungkhat i mi pakhat nih cun sualnak pakhat hmanh a ngei lomi cu duh paoh in nan kan thah. Kum 20 te lawng a si rihmi mino te cu ziah dah nan tleih khawh rengreng. Cu lawng hmanh si loin nan motor cun a thih hlan lo nan rial hoi.

Sualnak zong a ngei lo a thahnak ruang zong um lomi i hi ti bakin mi a that komi ramah cun zeitin dah kan um huam ti lai. Zeitin dah lengah chuak in rian kan tuan huam ti lai tiah a tah buin a chim. Khit Thit media nih thil cangmi pawl theih fian dingin phone in Insein palik sakhan cu an chawnh i palik nih cun cu kong chim dingin cun kan tuan vo si lo.

Nan theih duh tak a si ah cun palik sakhan ah hin ra ko uh tiah an leh hna i phone cu an off kanh diam hna. An pah i a thimi Ko Htet Aung cu Stars & models Int’l Yangon ah tuan liomi a si model tuan liomi a si. Mister global Teen Myanmar 2017 winner le prince & princess International Myanmar 2017 zuamnak ah winner laksawng co tu a si tiah theih a si.

Be the first to comment

Leave a Reply

Your email address will not be published.


*